عالمی اتحاد برائے مسلم اسکالرز کی طرف سے
دمشق میں مار الیاس چرچ کو نشانہ بنانے والے مجرمانہ حملے کی شدید مذمت (بیان)
اس وقت جبکہ اسلامی شریعت اور تمام آسمانی مذاہب انسانی
جانوں کی حرمت اور خون کے تحفظ پر زور دیتے ہیں، ہمیں دمشق (شام) کے الدویلعة
علاقے میں واقع مار الیاس چرچ کو نشانہ بنانے والے دہشت گردانہ دھماکے کی دلخراش
خبر ملی، جس میں بے گناہ افراد جاں بحق ہوئے۔ یہ ایک ہولناک جرم ہے جو تمام دینی و
انسانی اقدار کے سراسر منافی ہے۔
عالمی اتحاد
برائے مسلم اسکالرز اس گھناؤنے، بزدلانہ اور مجرمانہ عمل کی شدید ترین الفاظ میں
مذمت کرتا ہے، اور واضح کرتا ہے کہ اسلام کا ایسے افعال سے کوئی تعلق نہیں، جو
پرامن لوگوں کو دہشت زدہ کرتے ہیں، عبادت گاہوں کو نشانہ بناتے ہیں، اور معاشرے میں
فساد و تباہی پھیلاتے ہیں۔
اتحاد ہر قسم کی دہشت گردی، تشدد اور انتہاپسندی کو،
خواہ اس کے پیچھے کوئی بھی ہو اور جو بھی اس کے جواز پیش کیے جائیں، قطعی طور پر
مسترد کرتا ہے۔
اتحاد، جاں بحق ہونے والوں کے اہل خانہ، شامی حکومت اور
برادر شامی عوام سے دلی تعزیت و ہمدردی کا اظہار کرتا ہے، اور دعا کرتا ہے کہ اللہ
تعالیٰ شام اور اس کے عوام کو فتنوں اور شرور سے محفوظ رکھے۔
دوحہ: 27 ذو الحجہ 1446ھ
مطابق: 23 جون 2025ء
ڈاکٹر علی محمد
الصلابی پروفیسر ڈاکٹر علی محی الدین قرہ داغی
(سیکرٹری
جنرل) (صدر)
ـــــــــــــــــــــــــــــــــــــــــ
* للاطلاع على الترجمة الكاملة للبيان باللغة العربية،
اضغط (هنا).