عالمی اتحاد برائے مسلم اسکالرز کے سیکریٹری جنرل کی صومالی لینڈ
کے وزیرِ اوقاف سے ملاقات – دینی و علمی تعاون کے فروغ پر گفتگو
قطر –
دوحہ | منگل
عالمی
اتحاد برائے مسلم اسکالرز کے سیکریٹری جنرل محترم شیخ ڈاکٹر علی محمد الصلابی نے
جمہوریہ صومالی لینڈ کے وزیرِ اوقاف و امور اسلامی محترم شیخ عبداللہ طاہر جامع
(باشا) کا استقبال کیا۔ یہ ملاقات وزیر موصوف کے سرکاری دورۂ قطر کے دوران انجام
پائی۔
دونوں
شخصیات نے اس برادرانہ ملاقات پر خوشی و مسرت کا اظہار کیا، جو اتحاد اور صومالی لینڈ
کی مذہبی و دینی اداروں کے درمیان تعلقات کے فروغ کے سلسلے کی ایک اہم کڑی ہے۔
انہوں نے اس بات پر زور دیا کہ اس طرح کی باہمی ملاقاتیں علماء اور دینی اداروں کے
درمیان روابط مضبوط بنانے اور تجربات کے تبادلے کے لیے نہایت اہمیت کی حامل ہیں۔
ملاقات میں
دونوں فریقین نے اس امر پر اتفاق کیا کہ علمی اور دعوتی میدان میں مشترکہ کاوشوں
کو تقویت دینا، امت مسلمہ کے اہم مسائل کے حل میں تعاون کرنا، اور اعتدال و وسطیت
پر مبنی اسلامی بیانیے کو فروغ دینا نہایت ضروری ہے۔ ساتھ ہی صومالی لینڈ کی
وزارتِ اوقاف اور عالمی اتحاد برائے مسلم اسکالرز کے درمیان باہمی تعاون کے نئے
دروازے کھولنے پر بھی آمادگی ظاہر کی گئی۔
(ماخذ: الاتحاد)
ـــــــــــــــــــــــــــــــــــــــــ
* للاطلاع على
الترجمة الكاملة للخبر باللغة العربية، اضغط (هنا).