دوحہ میں حماس کی قیادت اور افغان وزیر خارجہ کی ملاقات،
فلسطینی کاز اور غزہ کی مزاحمت کے لیے حمایت پر گفتگو
جمعرات کے روز، دارالحکومت دوحہ (قطر) میں اسلامی
مزاحمتی تحریک "حماس" کی قیادت کونسل کے سربراہ محمد درویش نے افغانستان
کے قائم مقام وزیر خارجہ مولوی امیر خان متقی سے ملاقات کی۔ اس موقع پر حماس کے متعدد
سرکردہ رہنما بھی موجود تھے، جن میں خالد مشعل، خلیل الحیة، نزار عوض اللہ اور زاہر
جبارین شامل تھے۔
ملاقات میں غزہ پر جاری اسرائیلی جارحیت کی تازہ ترین
صورتِ حال پر تبادلہ خیال کیا گیا، جس میں اسرائیلی قابض فوج کی طرف سے فلسطینی عوام
کے خلاف نسل کشی، محاصرہ اور دانستہ بھوک کی پالیسی پر بات کی گئی، جو اُنہیں جھکانے
کی ایک مجرمانہ کوشش ہے۔
محمد درویش نے افغان عوام کی استقامت اور قبضے کے
خلاف ان کی جدوجہد کو سراہا، اور فلسطینی کاز کی حمایت میں افغان حکومت کے باوقار مؤقف
کی تعریف کی۔ انہوں نے اس عزم کا اظہار کیا کہ فلسطینی قوم اپنی سرزمین اور قومی حقوق
سے کبھی دستبردار نہیں ہوگی، اور آزادی و خودمختاری کے حصول تک مزاحمت جاری رکھے گی۔
افغان وزیر خارجہ مولوی امیر خان متقی نے بھی فلسطینی
کاز کے لیے افغانستان کے مستقل مؤقف کی تجدید کرتے ہوئے کہا کہ یہ پوری امت مسلمہ کا
مرکزی مسئلہ ہے۔ انہوں نے فلسطینی عوام کی جدوجہد، استقامت اور مسجد اقصیٰ کے دفاع
پر فخر کا اظہار کیا۔
(ماخذ: ایجنسیاں)